«Ишеним» ЖАКнын кредиттик бюросу – карыз алуучулар (зайымчылар) (жеке жана юридикалык жактар) жөнүндө маалыматтарды топтоо, иргеп иштетүү жана сактоо жана алардын милдеттенмелерин, кредиттик тарыхтарды түзүү жана кредиттик отчетторду берүү, ошондой эле кредиттик тобокелдиктерди төмөндөтүүдө колдоо көрсөтүү максатында, өзүнүн өнөктөштөрүнө кошумча кызматтарды көрсөтүү менен иш алып баруучу Кыргызстандын аймагындагы жалгыз уюм. «Ишеним» ЖАКнын КБ (мындан ары – «Кредиттик Бюро») 2003-жылдын 17-мартында уюшулган.
Кредиттик Бюронун өнөнктөштөрү болуп 160 финансылык-кредиттик мекемелер саналат, алардын көмөктөшүүүсү менен Бюро 2 000 000 ашык кредиттик тарыхтарды өзүнө камтыган маалыматтардын уникалдуу базасын түздү.
Кредиттик отчет сурап өтүнүү мезгилиндеги кредиттик тарыхы жөнүндө маалыматты чагылдырат. Кредиттик тарыхы, юридикалык жактын бүткөрүлгөн жана учурдагы милдеттенмелери жөнүндөгү маалыматты камтыйт, ошондой эле кредиттик келишимдин шарттары алар тарабынан аткарылышын чагылдырат. Кредиттик тарых кара тизме болуп саналбайт. Алар мөөнөтүндө же кечиктирүү менен төлөнөбу же жокпу, андан көз карандысыз эле, кредиттер ага түшүп турат.
Кредиттик тарыхтагы маалыматты толуктоо булагы: кредиттик уюм (Банк, МФО) – кредиттик маалымат алмашууга катышуучулар. Маалыматтар, кредиттик тарыхтын субъектисинин (мындан ары КТС) жазуу жүзүндөгү макулдугунун негизинде гана Кредиттик бюронун маалыматтар базасына берилет.
Кредиттик тарыхтын башталышы болуп, кардар биринчи кредит (карыз) алган учур эсептелет. Андан ары тарыхта, «Ишеним» Кредиттик Бюросу аркылуу өтө турган, ошол карыз алуучунун (зайымчынын) бардык кредиттери боюнча маалыматтар топтолот жана жалпыланат. Бардык маалыматтар кредиторлордун каталогдоруна келип түшөт. Дээрлик бардык финансылык мекемелер кредиттер боюнча маалыматты берүү мүмкүндүгү жөнүндө пунктун келишимге киргизишет. Ошондуктан банк менен бүтүм түзүү учурунда карыз боюнча маалыматты жеке жак «Ишеним» ЖАКнын КБга жөнөтүүгө макулдугун берет.
